RUS
SMARTNEWS.KZ басылымының хабарлауынша, белгілі актриса әрі әнші Айгүл Иманбаева өнерсүйер қауыммен қуанышты жаңалығын бөлісті. Өнер иесі алғаш рет Испания астанасы Мадрид қаласында жеке шығармашылық кешін өткізбек.
“Еуропа, сәлем! Кездесуге дайынсыздар ма? 29 сәуір күні Мадрид қаласында, кешкі сағат 19:00-де менің жеке шығармашылық концертім өтеді. Құрметті Мадрид тұрғындары мен қала қонақтары, Сіздермен жүздесуге асықпын! Ендеше, құрметті еуропалықтар, жіберіп алмаңыздар! Сіздерді шын жүрекпен күтемін!” - деп жазды актриса.
Сонымен қатар 30 сәуір күні Францияның жүрегі Париж қаласында кешкі сағат 19:00-де жеке концерті өтетінін хабарлады.
Бұл концерт – әншінің халықаралық сахнаға жасаған жаңа қадамы болмақ. Өнер иесі шет елдегі қазақ диаспорасы мен шетелдік тыңдармандар алдында ұлттық рухтағы және авторлық әндерін орындайды деп күтілуде.