RUS
SMARTNEWS.KZ басылымының хабарлауынша, 2025 жылы 29 сәуірде белгілі әнші Төреғали Төреәлидің әкесі Instagram парақшасында ұлының жанкүйерлеріне арнап видео жариялады.
Төреәлі Төлепов жариялаған видеода Төреғали орындайтын әннің бейнебаянынан үзінді берілген. Бірақ осы видео астында келтірілген сипаттамасындағы мына мәтін көпті ойлантып қойды:
"Аман болсақ біз бірге бола аламыз, Дұға-тілек - жаныңа дауа нағыз. "Уақыт - емші" дейді ғой дана халық, Ағайын, біз қайтадан ораламыз!"
Желіні қолданушылардың бірі бұған алаңдап, Төрешке не болғанын сұрады. Пікір қалдырушылардың бірі әншінің бүгіндері шетелде емделіп жатқанын айтқан. Әншінің әкесі бұл пікірге қатысты ештеңе айтпаған, оны жауапсыз қалдырған. Сондай-ақ видео астында Төреғалидың тезірек сауығып кетуін айтып, тілек білдіргендердің де қарасы көп.
Айта кетейік, Төреғали көптен бері әлеуметтік желіден көрінбейді. Оның Instagram-дағы соңғы жазбасы 3 наурызда жарияланған. Дәл сол кезде оның жоспарланған концерттері кейінге шегерілген болатын.