RUS
SMARTNEWS.KZ басылымының хабарлауынша, бүгін, 5 мамырда былтыр қазанда Талғарда қаза болған жасөспірім Шерзат Болаттың өліміне қатысты іс бойынша кезекті сот отырысы өтеді.
Бүгінгі сот отырысы сағат 10:00-ге белгіленген. Сот отырысын Жоғары соттың Youtube арнасынан тікелей эфирде көруге болады.
Сот отырысы Талдықорған қаласындағы Жетісу облысының қылмыстық істер жөніндегі мамандандырылған ауданаралық сотының ғимаратында өтіп жатыр.
Айта кетейік, 10 сәуірде марқұм Шерзат Болаттың өліміне қатысты қылмыстық іс бойынша алдын ала сот тыңдауы өтті. 17 сәуірде басты сот талқылауы басталды.
Айыпталушылар орнында 9 адам отыр. Олардың біреуі кәмелеттік жасқа толмаған.
29 сәуірдегі сот отырысында куәгерлерден жауап алу жалғасты.
Сот отырысы барысында 7 куәден жауап алынды, қайтыс болған жәбірленуші Н.Ғайыпбаевтан тергеу сатысында жауап алудың бейнежазбалары қаралды, сондай-ақ А.Махмет пен Н.Байтұрсыновтың сақтауға берілген айғақтары тыңдалды.