RUS
SMARTNEWS.KZ басылымының хабарлауынша, Ресейдің Магадан қаласындағы Сібір көшесінде орналасқан жеке үйден қарт ерлі-зайыптылардың денесі табылды.
Бірнеше күн бойы олармен байланыс үзілген соң, туыстары алаңдап, полицияға хабар берген. 1 мамыр күні тәртіп сақшылары мен тергеу тобы оқиға орнына барып, үйге кірген.
Үй ішін тексеру кезінде әйел адамның денесі бөлмелердің бірінен табылды. Оның денесінде зорлық-зомбылық белгілері болған. Кейінірек ерінің денесі үйдің шатырынан табылды. Ол да қаза тапқан.
Тергеу басталды, түрлі нұсқалар қаралуда
Магадан облыстық тергеу комитеті бұл оқиға бойынша «кісі өлтіру» бабы бойынша қылмыстық іс қозғады. Оқиға орнынан заттай дәлелдер алынып, сот-медициналық сараптамалар тағайындалды. Қазір тергеушілер оқиғаның себептері мен болжамды нұсқаларын тексеріп жатыр. Бірақ әзірге нақты себеп не болғаны айтылмай отыр.
Қылмыстың мән-жайын анықтау үшін сарапшылар жұмысын жалғастыруда. Медициналық және криминалистикалық қорытындылар үйде не болғанын анықтауға көмектеспек.