SMARTNEWS.KZ басылымының хабарлауынша, Шерзат Болаттың өліміне байланысты сот процесінде күдіктілерден жауап алу басталды.

Сотта айыпталушы Дархан Әскентай тергеу кезінде өзіне қысым көрсетілгенін айтып, тағылған айыппен келіспейтінін жеткізді. Ол Шерзат Болатты боқтамағанын, ешкімге қол көтермегенін және өзі де соққыға жығылғанын мәлімдеді.

«Тоқтаңдар, атам, атам!» деген дауыс естілді. Сол сәтте балаларға қарай мылтық кезелді. Не болып жатқанын түсінбей, тұрып қалдым. Нұрбол курткасын лақтырып, артынан жүгіріп кетті, мен де соңынан ілестім. Сол кезде бір бала құлады, тағы бірі «Скорый, скорый!» деп айқайлап жатты. Сол жерге Нұрқанат та құлады. Бірнеше бала төбелесіп жатты, олар Шерзаттың достары ма, нақты білмеймін. «Қойыңдар, қойыңдар!» дегенде маған бір-екі соққы тиді. Сосын мен төмен түсіп, кетіп қалдым, – деді Дархан Әскентай.

Сондай-ақ ол Нұрқанат Ғайыпбаевтың мылтық атқанын айтып, өзін ешкімге күш қолданбаған бейтарап адам ретінде көрсетті.