RUS
SMARTNEWS.KZ басылымының хабарлауынша, желіде Сара Алпысқызының денсаулығы күрт нашарлағаны туралы ақпарат тарады.
Алматы қоғамдық кеңесінің мүшесі, Қазақстандағы тұңғыш "SOS – балалар ауылдарының" түлегі Рафаэль Гасанов желіде жазба жариялап, Сара Алпысқызы Назарбаеваның денсаулығына қатысты сұрақтарға жауап берді.
"Маған жазып, Сара Алпысқызының ауырып жатқаны рас па деп сұрап жатыр. Иә, өкінішке қарай, бұл рас", - деп жазды Рафаэль Гасанов Facebook парақшасында.
Рафаэль Гасанов Алпысқызының қасында жақындарының бар екенін айтты:
«Біз оның айналасындағы адамдарға хабарласып, сәлемімізді жолдап, тезірек сауығып кетуін тіледік. Сара Алпысқызы бәрімізді жақсы таниды», — деді ол.
Сондай-ақ жазбасында ол Сара Алпысқызының елге сіңірген еңбегіне тоқталып, оны кең жүректі, мейірімді жан екенін атап өткен.
NUR.KZ тілшісі Сара Алпысқызының жағдайын білу үшін Қазақстан президенті іс басқармасының медициналық орталығы ауруханасының баспасөз қызметіне хабарласты, олар ақпаратты растамады әрі жоққа да шығармады.