RUS
SMARTNEWS.KZ басылымының хабарлауынша, Маңғыстау облысының тұрғыны Каспий теңізінің жағалауында ерекше жағдайға тап болды. Ол түнде теңіз жағалауынан итбалықты көріп қалған. Егер жаралы болса, онда оны құтқаруға тырысқан. Бұл туралы ол Instagram парақшасында айтып берді.
Оқиға Песчаный мүйісі маңында болған. Ер адам түн ортасында жағалауда жалғыз жатқан түленді байқаған. Ол итбалыққа жақындап, әзіл-шыны аралас «че там, родной, демалып жатсың ба?» деп, жануар ебедейсіз қозғалған соң оның жаралы немесе әлсіреп қалғанын ойлап, көмектескісі келген.
Итбалық басын шалт көтеріп, бір сәтке қарап тұрып, артынша селт етіп, теңізге қарай сырғып кетіп қалған. Мұны күтпеген ер адам аңтарылып, не болғанын түсінбей қалған.
Әлеуметтік желіде бұл сәтпен бөліскен тұрғынның айтуынша, түлен ешқандай жаралы болмаған, жай ғана жағалауда тынығып жатқан. Алайда өзіне назар аударылғанын байқаған сәтте бірден қимылдап, суға қайта сүңгіп кеткен.
Көпшілік бұл жағдайды көңілді қабылдап, итбалықты «актер» деп атап жатыр. Каспийдің жабайы табиғаты осындай тосын әрі күлкілі сәттерге толы екені тағы бір дәлелденді.