«Әрең алған атағым «ұшып» кетті»: Мадина Сәдуақасова әскери шені туралы ашық айтты

SMARTNEWS.KZ басылымының хабарлауынша, әнші Мадина Сәдуақасова көпшілік біле бермейтін бір жайтты бөлісті – ол да әскери есепте тұрған адам.

Өнер иесі өз сөзінде алдымен қатардағы жауынгер болғанын, кейін кіші сержант атағын алғанын айтып өтті. Алайда еңбегі еленіп, прапорщик шеніне жеткенімен, көп ұзамай бұл атағы жойылған.

«Басында қатардағы Сәдуақасова болдым. Екі жылдан соң кіші сержант болдым. Ақыры бір күні прапорщик атанып едім, ол атағым ұшты-күйлі жоқ болды. Сөйтіп, қайтадан запастағы кіші сержант болып қалдым», – деп жазды әнші Instagram парақшасында.

Айта кетейік, бұл мәлімдеме Астанада өткен әскери шеруге орай жарияланған. Шерудің тікелей көрсетілімін елордада мыңнан астам көрермен тамашалады.