Ақтөбе облысында жол апатынан автобус жүргізушісі қайтыс болды
Белгілі болғандай автобус жүк көлігімен соғысқан көрінеді.
SMARTNEWS.KZ басылымының хабарлауынша, Ақтөбе облысында Әйтеке би ауданына қарасты Көрпе ауылы маңында жол-көлік апатынан бір адам қайтыс болды.
Оқиға салдарынан сол жерде автобустың жүргізушісі бақиға аттанған. Аталған жол-көлік оқиғасы Самара–Шымкент тасжолының Әйтеке би ауданы аумағында болды. Жүк көлігі мен жолаушылар мінген автобус соқтығысқан.
Өңірдің полиция департаментінің мәліметінше, автобус жүк көлігінің тіркемесіне жанасып, соғылған. Оқиға кезінде онда барлығы 6 жолаушы болған көрінеді.
Автобус жүргізушісі қарама-қарсы келе жатқан жүк көлігімен арадағы қашықтықты сақтамаған. Салдарынан жүк көлігі тіркемесінің бір бүйіріне соқтығысады. Автобус жолдан шығып кетіп, жүргізуші көз жұмды. Жолаушыларда қандай да бір жарақат жоқ,- деп мәлімдеді Әйтеке би аудандық полиция бөліміндегідер.
Материал авторы
