Қайрат Нұртастың әйелі балалары автобуспен жүретінін айтты (ФОТО)

SMARTNEWS.KZ басылымының хабарлауынша, Қайрат Нұртастың жұбайы балаларының қоғамдық көлікпен жүретінін айтты.

Әнші Қайрат Нұртастың жары, актриса Жұлдыз Әбдукәрімова Instagram парақшасында оқырмандардың сұрақтарына жауап беріп, балаларының қоғамдық көлікпен жүретін-жүрмейтіні туралы айтты.

Оқырманның «Балаларыңыз өздері автобуспен жүрмей ме?» деген сұрағына актриса былай деп жауап берді:

«Үлкендері мен үлгермей қалған жағдайда қоғамдық көлікпен жүреді. Әсіресе Сезім еш салмақ салмайды. Десе де өзім балалармен көп уақыт өткізуге тырысамын. Қанатымның астында жүрген кезеңінде барынша уақытым мен көңілімді бөліп, жандарынан табыламын», – деді Жұлдыз.

Ол сонымен қатар өз отбасында да басқа адамдардікіндей қиындықтар болатынын жасырмады:

«Ой, айтпаңыз менде проблемалар түр-түрі бар. Бірақ оларды осылай қарсы аламын», – деп әзілдеді актриса.