RUS
SMARTNEWS.KZ басылымының хабарлауынша, Telegram желісіндегі Kozachkov Offside арнасында 9 мамыр күні түнде Ақтауда болған жаппай төбелестің видеосы жарияланды.
Куәгер түсірген кадрлардан 5-шағын ауданда орналасқан Pinta мейрамханасының қарсы бетінде шамамен он шақты ер адамның жол үстінде жанжалдасып, төбелесіп жатқанын көруге болады.
Видеода екі адам асфальт үстінде жаға жыртысып, бір-бірімен жұдырықтасып жатыр. Оларға тағы бірнеше адам қосылып, біреуіне бірнеше соққы жасайды. Бірнеше метр жерде тағы екі жас жігіт бірін-бірі ұруға әрекет жасап, жұдырық пен аяқ сермеп жүр. Төбелестің кесірінен жолда көлік тығыны пайда болған. Кадр соңында оқиға орнына полиция патрулі келгені де көрінеді.