RUS
SMARTNEWS.KZ басылымының хабарлауынша, "Тарбағатай" ұлттық паркінде 15 қызметкердің жоғары білім туралы жалған дипломмен жұмысқа орналасқаны анықталды. Бұл туралы облыстық прокуратураның баспасөз қызметі мәлімдеді.
Тексеру барысында Үржар ауданы прокуратурасы ұлттық парк инспекторларының біразы 10 жылдан астам уақыт бойы жалған құжатпен қызмет атқарып келгенін мәлімдеді.
Қазір бұл факті бойынша Қылмыстық кодекстің 385-бабы 3-бөлігі бойынша сотқа дейінгі тергеу амалдары жүріп жатыр. Аталған бап бойынша 160 АЕК көлемінде айыппұл немесе 40 тәулікке дейін әкімшілік қамаужазасы қарастырылған.
Прокуратура жалған құжаттарды пайдалану — қылмыстық жауапкершілік екенін ескертіп, мемлекеттік органдарды кадрлық тексерістерді күшейтуге шақырды.
Айта кетейік, 2024 жылдың 22 шілдесінде Сыбайлас жемқорлыққа қарсы қызмет диплом бланкілерінің қозғалысын бақылау жүйесінде олқылықтар барын және ақпараттық қауіпсіздік құралдарының әлсіздігінанықтаған болатын.