RUS
SMARTNEWS.KZ басылымының хабарлауынша, Ақтауда әке баласын көшеде төбелестіріп, видеоға түсірді.
Ақтауда әке өз баласын қатарласымен төбелестіріп, бұл сәтті видеоға түсірген. Желіде тараған кадрлардан ер адамның баласына «соңына дейін жеткіз» деп айқайлап, төбелесті қолдап тұрғаны байқалады.
Жазба авторларының айтуынша, әкесінің өзі ұлын бірнеше баламен төбелесуге итермелеген. Тіпті араша түспек болған жігітті де тоқтатып, кедергі жасамапты.
Маңғыстау облысының Полиция департаменті бұл оқиғаға қатысты пікір білдірді. Барлық қатысушылар анықталып, ата-аналарымен бірге бөлімшеге жеткізілген. Баланың әкесіне қатысты ҚР ӘҚБтК-нің 127 және 128-баптары (кәмелетке толмағанды тәрбиелеу жөніндегі міндеттерді орындамау және оның құқықтарына қысым көрсету) бойынша хаттама толтырылып, іс сотқа жолданды.
Сонымен қатар оқиға материалдары кәмелетке толмағандар ісі жөніндегі комиссия қарауына берілмек.