RUS
SMARTNEWS.KZ басылымының хабарлауынша, әлеуметтік желіде кең тараған видеода Алматыда екі қыз жаяу жүргіншілер өткелінде подиумда жүргендей дефиле өткізгені бейнеленген. Қысқа киінген бойжеткендер зебра бойымен сәнмен жүріп өтеді.
Олар көліктерге де, жолаушыларға да мән бермей, өздерін нағыз сән көрсетілімінде жүргендей ұстаған. Бұл видеоны Instagram-дағы krisp_almaty арнасы жариялаған.
Оқиғаға байланысты Алматы қалалық полиция департаменті Liter.kz редакциясына пікір білдірді. Олар мұндай әрекеттер жол қозғалысы ережелерін бұзу екенін ескертіп отыр.
– Жол — ойын алаңы емес. Ол қателікті кешірмейді. Қыздардың әрекеті – жол ережесін бұзу. Әрбір жол қозғалысына қатысушы өз міндетін нақты орындауы тиіс. Бұл — ең алдымен, олардың өмірі мен қауіпсіздігі үшін қажет. Қандай ниетпен жасалса да, мұндай қылықтар қабылданбайды, – деді полиция өкілдері.