RUS
SMARTNEWS.KZ басылымының хабарлауынша, ақтаулық шахматшы Эдгар Мамедов еліміздің ең жас халықаралық гроссмейстері атанды. Ол 14 жасында Қазақстанның жаңа рекордын орнатты. Бұл туралы Маңғыстау облыстық Қоғамдық коммуникация орталығы жазды.
"Эдгардың үш гроссмейстерлік ұпайы мен ФИДЕ рейтингі 2492 болды, қажетті 2500 ұпайға жету үшін небәрі 8 ұпай жетпей қалды.
Sharjah Masters International Chess Championship 2025 - A супертурнирінде Эдгар алғашқы екі турды сенімді түрде өткізіп, жетпейтін баллдарын жинап, ресми түрде гроссмейстер атанды", - делінген хабарламада.
Эдгар Мамедов – 14 жасында GM (халықаралық гроссмейстер) атағын алған Қазақстанның алғашқы шахматшысы.
Сондай-ақ Маңғыстау облысының тарихындағы алғашқы –гроссмейстер.
Айта кетейік, шахматтан әйелдер арасындағы Гран-при кезеңінің 3-турында Бибісара Асаубаева мен әлем чемпионы Александра Горячкина арасындағы ойын 5 жарым сағаттан астам уақытқа созылған еді.
Жарыс Францияның Монако Князьдігінде өткен болатын.