RUS
SMARTNEWS.KZ басылымының хабарлауынша, әнші Меруерт Түсіпбаева өзінен бес жас кіші ер адамнан үйлену туралы ұсыныс алғанын мәлімдеді. Бұл туралы ол Instagram парақшасында жариялады.
Өнер иесі жігітпен хат алмасқан сәтін видео ретінде жүктеп, жазба астына:
«Менің мінезімді, болмысымды өзгерткісі келетін тағы бір пенде хат жазды... Сізді өзгерткісі келетін адамдарды белгіле», – деп жазды.
Желі қолданушылары бұл жазбаны қызу талқыға салды. Көпшілік пікір білдіріп, ұсыныс жасаған жігіттің жазу стилі мен әрекетіне қатысты өз ойларын ашық айтты:
«Қате жазатын жігіт екен», «Сұлулыққа қызықпайтын адам жоқ. Сіз сұлу болғандықтан, сізге қызығатын ер азаматтар қай жаста болсаңыз да табылады», «Өзіне көп алатын досыңды белгіле деңізші», «Қалай өзгертеді екен, ә?», «Қанша бойдақ болып жүрсем де, ешкімге бұлай айтпаппын».
Айта кетейік, Түсіпбаева бұған дейін де желіде ер адамдардан ерекше ұсыныстар алатынын айтып жүрген. Бұл жолғы диалог та тыңдармандары арасында ерекше қызығушылық тудырды.