RUS
SMARTNEWS.KZ басылымының хабарлауынша, Өзбекстанның Самарқанд облысында 17 жастағы 11-сынып оқушысы Instagram желісінде басталған жанжалдан кейін қатыгездікпен соққыға жығылып, оқиға орнында қаза тапты.
Қайғылы жағдай Пахтачи ауданында болған. Алдын ала мәлімет бойынша, №1 және №12 мектептердің оқушылары әлеуметтік желіде бір-бірін балағаттап, кейін кездесуге уағдаласқан. Сол кездесуде жанжал төбелеске ұласып, 17 жастағы бозбала өлімші етіп ұрылған.
Жедел жәрдем дәрігерлері жеткен кезде жасөспірімде биологиялық өлім белгілері болған: қарашықтың кеңеюі, пульстің болмауы, мойын аймағындағы жарақаттар және ауыз-бұрнағындағы қан.
Оқиға бойынша төрт кәмелетке толмаған жасөспірім күдікті ретінде танылды. Қазір қасақана ауыр дене жарақатын салу, адам өліміне әкеп соққан қылмыстық іс қозғалды.