RUS
SMARTNEWS.KZ басылымының хабарлауынша, белгілі қазақстандық әнші әрі продюсер, көпшілікке Бүркіт атымен танымал Айбек Жансейітов, жары Аиша мен олардың дүниеге жаңа келген қызын перзентханадан шығарып алды. Бұл сәттің әсерлі видеосын өнер иесі Instagram парақшасында жариялады.
Бүркіттің айтуынша, олар бұл жолы баланы перзентханадан шығаруды әдеттегі даңғаза мен фотосессиясыз, қарапайым, отбасы ортасында өткізуді ұйғарған. Ерлі-зайыпты жұп бұған дейін де үш баланың ата-анасы болатын — енді олардың шаңырағында екі ұл мен екі қыз өсіп келеді.
Үйге келгенде ең әсерлі сәтті Бүркіттің анасы сыйлаған. Немересін көрген әжесі толқығаннан көз жасына ерік беріп, шынайы эмоциясын жасыра алмапты.
– Ешкімге айтпай , роддомнан кетіп қалдық. Үйге келдік аман-есен! Үйге келсек, мамамның көңілі босап... – деп жазды әнші видео астына.
Бүркіт пен Аиша – шоу-бизнестегі ең берік жұптардың бірі. Желі қолданушылары бұл оқиғаға жылы лебіздерін білдіріп, жас сәбиге денсаулық, отбасыға бақ-береке тілеп жатыр.