RUS
SMARTNEWS.KZ басылымының хабарлауынша, 2024 жылдың 8 ақпанында Павлодар облысына қарасты Ақсу қаласы маңындағы Сарышығынақ ауылында 68 жастағы тұрғын азаматтық некедегі күйеуін өлтірді деген айыппен сот алдында жауап берді. Сот процесі алқабилердің қатысуымен өтті. Бұл туралы Ақсу қалалық соты ресми түрде мәлімдеді.
Тергеу материалдарына сәйкес, сол күні әйел үйіне келіп, бірге тұрып жатқан ер адамның асүйде арақ ішіп отырғанын көреді. Осыдан кейін екеуінің арасында жанжал туып, әйел ашуға булығып, ер адамның жүрек тұсынан пышақ сұғып алған. Жарақат өте ауыр болғандықтан, ер адам оқиға орнында көз жұмған.
Прокуратура күдіктіні 8 жылға бас бостандығынан айыруды сұраса, айыпталушы мен оның қорғаушысы толық ақтауды талап еткен. Алайда алқабилер оны Қылмыстық кодекстің "Адам өлтіру" бабымен кінәлі деп таныды. Бұл бап бойынша ең төменгі жаза — 8 жыл.
Дегенмен, сот әйелдің жасы келгенін, бұрын сотты болмағанын және тұрғылықты жері бойынша жақсы мінездеме берілгенін ескере отырып, ерекше мән-жай деп таныған. Осыған байланысты ҚК-нің 55-бабының 4-бөлігін қолдана отырып, оған ең төменгі шектен де жеңіл жаза — 3 жыл бас бостандығынан айыру үкімін шығарды.