RUS
SMARTNEWS.KZ басылымының хабарлауынша, Өзбекстан астанасы Ташкентте 49 жастағы ер адам келініне жыныстық сипаттағы әрекеттер жасағаны үшін 5 тәулікке қамауға алынды. Бұл туралы Өзбекстан Жоғарғы сотының баспасөз қызметі хабарлады.
Оқиға Ташкенттің Янгихаёт ауданында болған. Ер адам ұлының отбасымен бірге бір үйде тұрған. Кезекті күндердің бірінде ол келініне қатысты жыныстық мазмұндағы әрекеттер жасаған.
Сот отырысы кезінде айыпталушы кінәсін мойындап, істеген ісіне өкініш білдіріп, мұндай әрекетке енді ешқашан бармайтынын айтты.
Нәтижесінде сот оны «Жыныстық сипаттағы қысым көрсету» бабы бойынша кінәлі деп тауып, 5 тәулікке әкімшілік қамауға алу туралы шешім шығарды.