RUS
SMARTNEWS.KZ басылымының хабарлауынша,Ташкент облысында алимент төлеуден жалтарып жүрген ер адам қамаудан қашу үшін үйіндегі құдыққа жасырынған. Бұл туралы "Millar" бағдарламасында айтылды.
Юқорычирчик ауданының тұрғыны бір баласына алимент төлеуге міндеттелген, алайда ұзақ уақыт бойы міндетін орындамаған. Нәтижесінде, сот баланы тәрбиелеу мен оқыту жөніндегі міндеттерін орындамағаны үшін оған 5 тәулікке әкімшілік қамау жазасын тағайындаған.
Қазіргі уақытта алимент қарызын өндіріп алу рәсімі жүргізілуде. Егер ер адам алимент төлеуден бас тартса, оған қатысты заң аясында қосымша шаралар қолданылуы мүмкін.
Айта кетейік, бұл — жауапкершіліктен құдыққа тығылып құтылмақ болған алғашқы жағдай емес. Өткен жылы Ферғана облысында да дәл осындай жолмен алимент төлемей жүрген ер адам ұсталған. Ол әйелімен ажырасқаннан кейін балаға қаржылай қолдау көрсетпей, анасы сотқа жүгінген. Құдыққа тығылғанымен, құқық қорғаушылар оны тауып, жауапқа тартқан болатын.