RUS
SMARTNEWS.KZ басылымының хабарлауынша, Алматы облысының Қарасай ауданында ерекше жағдай тіркелді — Бекболат ауылында тұратын әйел саусағындағы жүзікті өз бетімен шеше алмай, құтқарушылардың көмегіне жүгінуге мәжбүр болды. Бұл туралы ҚР Төтенше жағдайлар министрлігінің баспасөз қызметі хабарлады.
Оқиға орнына Республикалық жедел-құтқару жасағының мамандары барып, арнайы жүзік кескіш құралдың көмегімен әшекейді абайлап алып тастады. Абырой болғанда, әйел адамға медициналық көмек қажет болмаған.
"Құтқарушылар жүзікті арнайы құралмен кесіп, саусаққа зақым келтірмей сәтті алып тастады", – делінген ТЖМ мәлімдемесінде.
Мамандардың айтуынша, мұндай жағдайлар жиі кездесіп тұрады және олар азаматтарды саусақ ісінген жағдайда күштеп жүзікті шешуге тырыспауға шақырады.