Әнші 18 жасында тұрмысқа шыққанын, алайда отбасылық өмірі ұзаққа бармағанын айтты. Оның сөзінше, күйеуі ажырасуға дейін баласын балабақшадан алып, шетелге қашып кеткен. Содан бері әйел өз баласын көрмегеніне 20 жыл болған.
«20 жыл бойы баланы көрмеу — бұл менің өмірімдегі ең үлкен трагедия. Әрине, кездессек, ең алдымен оған қаншалықты жақсы көретінімді айтамын. Бүгін сахнада тұрып, ішкі жан сырымды айтып, халықтан тілек сұрағым келді. Ескендір, біз сені қатты жақсы көреміз. Сағындық. Жақын арада кездесеміз деп сенемін», – деді әнші.
Айта кетейік, Әйгерім Шәріп – көпшілікке «Бөрте» спектаклі арқылы танылған актриса әрі опера әншісі.
