RUS
SMARTNEWS.KZ басылымының хабарлауынша, Жетісу облысының қылмыстық істер жөніндегі мамандандырылған ауданаралық сотында Шерзат Полаттың өліміне қатысты істі қарау жалғасуда. Судья Ержан Жанұзақов сот үкімін 2025 жылдың 5 маусымында, сағат 16:00-де жариялайтынын мәлімдеді.
Бұған дейін мемлекеттік айыптаушы Дана Сәрсенбай жарыссөз барысында айыпталушыларға тағайындалуы тиіс жазаны жария еткен:
Абзал Шынасыл — 23 жыл,
Равиль Сәкиев — 20 жыл,
Азамат Тоқтаубаев — 15 жыл,
Нұрқияс Ілиясов — 9 жыл,
Шыңғыс Белғожаев, Дархан Әскентай, Нұрбол Тоқтаубаев, Дидар Қалиахмет — 7 жылдан,
кәмелетке толмаған айыпталушы Думан Ысқақ — 1 жыл 6 ай.
Айыптар тізімі:
Абзал Шынасыл мен Равиль Сәкиевке — бұзақылық, адам өлтіру, қылмысқа дайындалу және оқталу баптары бойынша айып тағылған.
Қалған алтауы — бұзақылық бабымен жауапқа тартылуда.
Азамат Тоқтаубаевқа қосымша бөтеннің мүлкін жымқыру айыбы тағылған.
Кәмелетке толмаған Дидар Ысқаққа — қылмыс туралы хабарламау бабы бойынша айып тағылған.
Сонымен қатар, прокурор куәгерлер — Эльмира Нұрбекова, Дана Жақсыгелді, Арлан Қазыкенов пен Юлдаш Розыбакиевтің әрекеттеріне құқықтық баға беру үшін қайта тергеу жүргізуді сұрап, олар бойынша жеке қаулы шығаруды ұсынды.