RUS
SMARTNEWS.KZ басылымының хабарлауынша, атышулы «Қалаулым» бағдарламасының бұрынғы қатысушысы Ақтөре Батырбек әлеуметтік желіде аса қауіпті әрекет жасап, жұрттың ашуын туғызды.
Желіге жүктелген видеода Ақтөре айналасына жағармай құйып, оны отқа орайды. Кадрлардан блогердің қауіпті трюкті алдын ала дайындықсыз жасағаны байқалады. Видеомен бірге ол былай деп жазған:
«Атың шықпаса, жер өрте. Айтылып жатқан сөздің мағынасы бар екенін ұмытпайық, иә».
Бұл жазба желі қолданушыларының ашу-ызасын туғызды. Көпшілік блогердің әрекетін жауапсыздық деп бағалап, оған айыппұл салынуын талап етуде.
Пікірлерден:
«Мынаны балалар қайталаса қайтесің?», «Есі дұрыс адамның тірлігін жасашы», «Жасы 40-тан асқан адамның істейтін ісі ме осы?», «Біреу еріп, өртеп, жанып кетсе кім жауап береді?», «Өз үстіне су құйып алған екен, бірақ ол бәрін құтқармайды ғой...»
Қауіпсіздік ережелерін елемеген блогердің бұл қадамы заң жүзінде де, моральдық тұрғыда да сынға алынып отыр. Қазіргі уақытта ресми органдар тарапынан оған қатысты қандай да бір шара қолданылғаны туралы ақпарат жоқ.