RUS
SMARTNEWS.KZ басылымының хабарлауынша, танымал әзілкеш Тұрсынбек Қабатовтың жұбайы Мөлдір Мұқанова Instagram парақшасында актриса Әлия Әнуарбектің сырға салу рәсімінен видео жариялады.
"Сүйінші, ағайын! Әлия Әнуарбек Торғай елінің келіні атанбақ", – деп жазды ол видео астына.
Желіде тараған кадрлардан кейін көпшілік актрисаның екінші рет тұрмысқа шығып жатқанын болжады. Алайда кей қолданушылар бұл көрініс жаңа кинотуындыға түсіріліп жатқан сахна болуы мүмкін екенін айтты. Әлеуметтік желідегі мәліметтерге қарағанда, Әлия "Бақыт құшағында" атты фильмге түсіп жүр.
Желі қолданушыларының реакциясы екіге бөлінді:
«Дұрыс, күйеуінің қайтыс болғанына біраз уақыт өтті. Әр адам бақытты болуға лайық», «Бағы жансын, бірақ көңілсіз көрінеді», «Марқұм күйеуін ойлап тұрған сияқты», «Кино түсірілімі шығар. Әлі күйеуін ұмытпағаны байқалады».
Актрисаның өзі бұл видеоға байланысты ешқандай түсініктеме берген жоқ.
Еске салсақ, Әлия Әнуарбектің жолдасы 2020 жылы өмірден өткен. Қос жұптың ортақ екі қызы бар.