RUS
SMARTNEWS.KZ басылымының хабарлауынша, әнші Ақбота Керімбекова екінші ұлы Ақанның үйлену тойын өзінің ауласында, ашық аспан астында ұйымдастырды.
Оразаның алғашқы күні келін түсірген әнші бұл жолы туған-туыс пен өнердегі достарын ерекше тойға жинады. Тойдың басты ерекшелігі – шақырылған қонақтардың барлығы дерлік қызыл түсті киіммен келген. Әншінің айтуынша, ұлының өміріндегі маңызды күнді есте қаларлықтай еткісі келген.
“Әрбір ата-ананың арманы – балаларының бақытты болуы. Сол қуанышты күнді қолдан келгенше әдемі, ерекше өткізуге тырыстым”, – дейді Ақбота Керімбекова.
Той барысында неке қию рәсімін әнші әрі актриса Айгүл Иманбаева жүргізген. Ол бұл жауапкершілікті алғаш рет алғанын айтып, толқығанын да жасырмады.
“Өмірімде мұндай рәсімді алғаш рет жасадым. Ақбота қолқа салды: ‘Сенің кіндік балаң ғой, Айгүл’ деп. Жақсылап дайындалдым”, – деді Иманбаева.
Әлеуметтік желі қолданушылары Ақботаға жылы лебіздерін жаудырып, жас жұбайларға бақыт тілеп жатыр.
Айта кетейік, биыл көктемде Ақбота Керімбекова Ақан есімді екінші ұлына беташар жасап, келін түсірген болатын. Енді міне, толыққанды тойын да өткізді.