RUS
SMARTNEWS.KZ басылымының хабарлауынша, Астанада өткен классикалық шахматтан Қазақстан чемпионатында елордалық Қазыбек Нөгербек ерлер арасында топ жарып, ел чемпионы атанды. Бұл – спортшының аталмыш санаттағы алғашқы алтын жүлдесі.
Турнирге еліміздің ең үздік рейтингке ие 14 шахматшысы қатысты. Ерлер арасындағы басты бәсеке Қазыбек Нөгербек пен Денис Махнев арасында өрбіді. Чемпион тағдыры рапид және блиц партияларындағы қосымша кездесулерде шешілді. Шешуші ойында Нөгербек қарсыласынан басым түсіп, алтын медальды еншіледі.
Әйелдер арасында елордалық шахматшы Меруерт Камалиденова 8,5 ұпай жинап, қола жүлдені жеңіп алды. Ал тағы бір астаналық спортшы Жандос Ағманов турнирді 4-орынмен аяқтады.
Айта кетейік, чемпионаттың жалпы жүлде қоры 20 миллион теңгені құрады.