RUS
SMARTNEWS.KZ басылымының хабарлауынша, әлемге танымал поп-жұлдыз Дженнифер Лопес Астанадағы шоуынан кейін Ташкенттегі көрермендерін қуантпақ. Әнші гастрольдік сапар аясында Өзбекстан астанасында жеке концерт өткізеді.
Сахнаға шығу күні – 7 тамыз. Концерт «Бунёдкор» стадионында өтеді.
Билеттер сатылымға шықты. Бағасы 1 млн сумнан (шамамен 40 мың теңге) басталып, 3,7 млн сумға (150 мың теңгеден аса) дейін барады. Ұйымдастырушылар билет қайта сатылмайтынын және қайтаруға жатпайтынын ескертіп отыр.
Сондай-ақ алаяқтардан сақ болу үшін iticket ресми сайтынан ғана сатып алу ұсынылған.
Бұл Дженнифер Лопестің Орталық Азияға жасаған алғашқы туры. Жергілікті жанкүйерлер үшін бұл – нағыз шоу мен тарихта қалатын сәт болғалы тұр.