RUS
SMARTNEWS.KZ басылымының хабарлауынша, Павлодарда алкоголь ішіп отырған ер адамдар арасында қақтығыс болып, іс насырға шабуға сәл қалды. Оқиға 8 маусым күні Осипенко көшесіндегі тұрғын үйлердің бірінің ауласында болған.
Әлеуметтік желілерде тараған видеода ер адамдардың бір-біріне пышақ ала жүгіргені көрінеді. Бірі қарсыласына пышақ сұғып алуға шақ қалған. Артынша "порез болды" деген айқай естіледі.
“Оқиға салдарынан ешкім зардап шеккен жоқ. Барлық қатысушылар анықталып, ұсталды. Қазіргі таңда аталған факті бойынша қылмыстық іс қозғалды”, - дейді полиция департаменті.
Бұл Павлодардағы биылғы алғашқы тәртіпсіздік емес. Бұған дейін СҚО-да мектеп оқушылары қатарлас қызды ұрып, ақша бопсалағаны туралы хабар тараған болатын.