RUS
SMARTNEWS.KZ басылымының хабарлауынша, дзюдодан Қазақстан құрамасының көшбасшысы, Олимпиада чемпионы Елдос Сметов пен UFC-дің бұрынғы чемпионы, аты аңызға айналған спортшы Хабиб Нурмагомедов қасиетті Меккеде үлкен қажылық кезінде кездесіп қалды.
Екі спортшының жүздескен сәтінен бейнежазба әлеуметтік желіде кең тарап, қолданушылардың ықыласына бөленді.
«Екі чемпион. 2025 жыл. Үлкен қажылық», – дейді оларды видеоға түсіріп тұрған куәгер.
Кездесу кезінде Елдос Сметов Хабибтің әкесі Абдулманап Нурмагомедовпен бұрын Алматыда таныс болғанын айтты. Өз кезегінде Хабиб Елдоспен танысқанына қуанышты екенін білдіріп, алдағы жарыстарына сәттілік тіледі.
Айта кетейік, Абдулманап Нурмагомедов өзінің «Әке» атты автобиографиясында ұлының дзюдомен айналысқанын қалағанын жазған. Алайда Хабиб кейіннен аралас жекпе-жекті таңдады.