RUS
SMARTNEWS.KZ басылымының хабарлауынша, қазақстандық шоу-бизнестің ең танымал жұптарының бірі – Ерке Есмахан мен Raim отбасында қуаныш! Әнші Raim Instagram парақшасында ұлды болғанын хабарлап, алғашқы әсерлі кадрлармен бөлісті.
“Аль-Хамду ли-Ллях, қош келдің, ұлым! Райымбек батыр!” – деп жазды әнші.
Жазбаға қоса, Raim баласының кішкентай қолын сүйіп тұрған сәттің суретін жариялаған. Сәби дәстүрлі ақ жөргекке оралған.
Желі қолданушылары мен өнер иелерінің құттықтаулары қарша жауып жатыр:
“Бақытты болыңдар!”, “Райымбекке ұзақ ғұмыр мен зор денсаулық тілейміз!”, “Нағыз әке – нағыз батыр!” – деп жазды желі қолданушылары.
Ал Ерке Есмахан бірнеше күн бұрын-ақ табиғат аясындағы фотосессиясын жариялап, өмірінде ерекше кезең басталғанын айтып, тыңдармандарын болжамға жетелеген еді.
Айта кетейік, Ерке Есмаханның алғашқы некесінен туған ұлы – Муслим. Ал 2023 жылы Raim мен Еркенің алғашқы ортақ перзенті – Ислам дүниеге келген еді. Енді отбасы тағы бір мүшемен толықты.