RUS
SMARTNEWS.KZ басылымының хабарлауынша, 11 маусым күні Алматы қаласындағы «Три богатыря» тұрғын үй кешенінің маңында 89 жастағы зейнеткер дүкен алдында көз жұмды.
Оқиға куәгерлерінің айтуынша, қария дүкеннен шыққан соң құлаған. Дәл осы сәтте артқа қарай қозғалған «Газель» маркалы көлік зейнеткерді байқамай іліп кеткен.
Сатушы бейнебақылау камерасын қарап шыққанын айтып, зейнеткердің көлік қозғалған кезде құлағанын растады.
Куәгерлердің сөзінше, соққыдан кейін әйел адам тірі болған. Ол су да ішкен. Алайда біраз уақыттан соң оқиға орнына келген жедел жәрдем қызметі оның қайтыс болғанын тіркеді.
Дәрігерлер мәйіттің бір жақ қырында гематома бар екенін анықтаған.
Қазіргі уақытта оқиғаға қатысты тексеріс жүргізіліп жатыр.