RUS
SMARTNEWS.KZ басылымының хабарлауынша, Өзбекстанның Қашқадария облысы Кукдала ауданындағы №35 мектепте ана тілі мен әдебиеті пәнінің мұғалімі түлектерге емтихан жауаптарын сатып жатыр деген күдікке ілікті. Оқиға 28 мамыр күні "Ана тілі мен әдебиеті" пәнінен қорытынды емтихан кезінде болған.
Мұғалімнің оқушыларға 5 мың сумға жауап ұсынған сәті бейнежазбаға түсіп қалған. Видеоны бір түлек YouTube желісінде жариялаған. Кадрда мұғалім жауаптарды басқа біреуден сатып алғанын, егер сата алмаса, ақшаны қайтарып алатынын айтып тұрғаны анық естіледі.
Оқушының айтуынша, мұғалім кейін бірнеше түлекке жауапты сатып жіберген. Қазіргі уақытта ресми органдар тарапынан тексеріс жүргізіліп жатқаны немесе жүргізілмейтіні туралы мәлімет берілмеген.