RUS
SMARTNEWS.KZ басылымының хабарлауынша, Өзбекстандағы Ферғанада баланы қорлады деген күдікпен ер адам ұсталды.
Алдын ала мәлімет бойынша, 2024 жылдың жазында ол бір жарым жастағы жиенін көліктің жүксалғышына жауып, бұл сәтті видеоға түсірген. Кейін жазба әлеуметтік желіге тараған.
Бала құқықтары жөніндегі уәкілдің ІІМ-ге жүгінуінен кейін күдіктінің жеке басы анықталды. Ол — «Ёрмазор» махалласында тұратын 44 жастағы азамат. Қазір құқық қорғау органдары оның және оқиғаға қатысы бар өзге де адамдардың үстінен тексеріс жүргізіп жатыр.
Көлік тәркіленді. Аталған факті бойынша тергеу басталды.
Бала құқықтары жөніндегі уәкіл ер адамның әрекетін мүлдем жол беруге болмайтын жағдай деп атап, балалардың өмірі мен психикасына қауіп төндіретін кез келген “қалжың” заңды бұзу болып саналатынын және ол үшін жауапкершілік қарастырылғанын еске салды.