RUS
SMARTNEWS.KZ басылымының хабарлауынша, Жамбыл облысы Мойынқұм ауданында жасөспірім қызға қатысты ауыр қылмыстық іс тергеліп, сот шешімі шықты. Қыздың 13 жасында жүкті болғаны анықталған соң, оның бірнеше жыл бойы жыныстық зорлық көргені белгілі болды. Бұл туралы "Криминальный Казахстан" Telegram арнасы жеткізді.
Тергеу мәліметінше, қыз балаға туыс ағалары тарапынан 6 жасынан бері қысым көрсетілген. Құқық қорғау органдарының дерегінше, 35 және 37 жастағы екі ер адам жауапқа тартылып, сот үкімімен біреуі өмір бойына, екіншісі 20 жылға бас бостандығынан айырылды.
Айта кетейік, қыз мектепке барып жүрген кезінде жүкті болған. Бірақ оқу орнының қызметкерлері оның жағдайын уақытылы байқамаған. Осыған байланысты мектеп ұжымына қатысты да балалардың қауіпсіздігін қамтамасыз етудегі немқұрайлылық бойынша қылмыстық іс қозғалған.
Қазір жәбірленушіге тиісті психологиялық және әлеуметтік көмек көрсетіліп жатыр. Қоғам тарапынан бұл оқиғаға байланысты үлкен резонанс туындады. Құзырлы органдар мұндай жағдайлардың алдын алу үшін білім беру мекемелеріндегі бақылау жүйелерін күшейту қажеттігін атап өтті.