RUS
SMARTNEWS.KZ басылымының хабарлауынша, Үндістанда апатқа ұшыраған Air India AI171 рейсінің екі бірдей қара жәшігі табылды. Бұл туралы жексенбі күні премьер-министр Нарендра Модидің бас хатшысы Прамод Кумар Мишра мәлімдеді.
Оның айтуынша, ұшақтың ұшу деректерін тіркеу құрылғысы мен кабинадағы дауыс жазбалары қалпына келтірілген. Ақпаратты The Economic Times басылымы таратты. Жазбаларды шифрдан өткізуге төрт-бес күн қажет болуы мүмкін.
Басылым дерегінше, алғашқы қара жәшік жұма күні апат орны — Ахмедабадтағы ғимараттың төбесінен табылған. Қазіргі уақытта Үндістанның әуе апаттарын тергеу бюросы оқиғаның нақты себептерін анықтауға кіріскен. Оларға көмектесу үшін Ахмедабадқа бірнеше халықаралық сарапшылар тобы келген.
"Есепті үш ай ішінде жариялау жоспарланып отыр", – делінген басылым таратқан мәліметте.
Қара жәшіктер — ұшақ апатын зерттеуде ең маңызды дәлел. Олар апатқа әкелген сәттерді секунд сайын қалпына келтіруге мүмкіндік береді және кабинада, сондай-ақ әуе кемесінің жүйесінде орын алған оқиғалар туралы ең объективті ақпарат береді. Бұл құрылғылар – адам куәгерлері болмаған жағдайда тергеушілерге бейтарап әрі шешуші дәлел ұсынатын құрал.
Сондай-ақ, үндістандық БАҚ сәтсіз рейске байланысты тағы бір жайтты хабарлады: бір студент Лондонға аттанатын рейске небәрі 10 минут кешігіп келген.