RUS
SMARTNEWS.KZ басылымының хабарлауынша, әнші Төреғали Төреәлі тойға мас күйде келді деген ақпарат әлеуметтік желіде қызу талқылануда.
Threads желісінде Сымбат Мақұлова есімді қолданушы әкесінің 55 жылдық мерейтойына әншіні арнайы шақырғанын, алайда кеш иесі мен қонақтардың көңілі қалғанын жазды.
Желі қолданушысының айтуынша, Төреғали Төреәлі шараға ішімдік ішіп келген.
"Әкемнің қатарластары Төреғалидың әндерін жақсы көреді. Сол үшін шақырдық. Бірақ ол мас болды. Той халал еді. Жарты күн бұрын келіп, ұйымдастырушылардан вискиге 32 мың теңге төлеуді талап етті. Барлығы 8 рет ішімдікке тапсырыс берген. Егер ішімдігі болмаса, сахнаға шықпайтынын айтты. Ақыры фонограммамен бір-екі ән айтып, кетіп қалды", – деп жазды Мақұлова.
Пікір жазушылардың бірі әншіні ақтап алуға тырысса, енді бірі мұндай әрекетке наразы екенін ашық білдірді.
"Тойға әнші шақырмау керек", "Бұл ұят жағдай", "Төреғали жоғалып кетіп еді, енді қайта шыққан сияқты", "Түркиядан емделіп келді дейтін еді", – деген пікірлер жазылды.
Әзірге әншінің өзі бұл мәлімдемеге қатысты ресми түсініктеме берген жоқ.