RUS
SMARTNEWS.KZ басылымының хабарлауынша, әлеуметтік желідегі танымал блогер Мерей Жолшының отбасылық дауы жұрт назарына ілікті. Оның әйелі Гүлжайнаш Жолшы күйеуінің бейтаныс қыздармен жазысқан хаттарын жариялап, елді елең еткізді.
Айтуынша, Мерей Жолшы Шымкентке барамын деп жолға шығып, сол сапар барысында бөтен қыздарға жылы сөздер жазған. Әйелі бұл жайтты басқа бір қыздың көмегімен білгенін де ашық айтты.
"Сапарға кетті деп сендім. Бірақ шын мәнінде бөтен қызбен хат жазысқан. Сол хатты маған жіберіп, шындықты ашуға көмектескен қызға рақмет. Үш баласының жетім қалуынан қорықпайды, бірақ бетпердесі ашылып қалуынан қорқады. Кейін бәрін маған аударып, өзімді кінәлі қылып қояды", – деп жазды Гүлжайнаш Жолшы әлеуметтік желіде.
Ол Мерей Жолшының қызға жазған сөздерінің скриншотын да бөліскен. Хаттардың бірінде:
"Бүгін уақыт бөл. Өзің кеткің келмей қалады. Жүріп қайтайық. Жастық шақты еске алып", – деп жазылған.
Алайда көп ұзамай бұл жазба Гүлжайнаш Жолшының парақшасынан өшірілді. Соған қарамастан, жазбаның скриншоттары желіге тарап кетті.
Мерей Жолшы мен жұбайы бұл жағдайға қатысты әзірге ресми пікір білдірген жоқ.