RUS
SMARTNEWS.KZ басылымының хабарлауынша, Алматы облысында Lamborghini көлігіне трюк жасап, мерт болған жігіттің ісі бойынша сот үкімі шықты.
2025 жылғы 12 маусымда Іле аудандық соты абайсызда адам өліміне себеп болған іске қатысты үкім жариялады. Қайғылы оқиға 2024 жылғы 29 қазанда "Сокол" спорттық-техникалық клубының аумағында бейнеролик түсіру кезінде болған.
Не болды?
Жас жігіт Lamborghini көлігінің үстінен секірмек болған. Алайда кәсіби дайындық пен нақты келісімнің болмауы салдарынан ол көлік астына түсіп, қаза тапты. Көлік тізгінінде болған азамат (П.) оны қағып кетіп, өлімге себепші болған.
Сот не деді?
Сот ҚР ҚК 104-бабы 1-бөлігі ("Абайсызда адам өліміне әкелу") бойынша айыптыны кінәлі деп танып, оған 1 жыл 6 ай бостандығын шектеу жазасын тағайындады.
Неге жеңіл жаза?
Сот мынадай жеңілдететін мән-жайларды ескерді:
Айыпталушының кәмелетке толмаған мүгедек баласының бары,
Шын ниетпен өкінуі.
Моральдық шығын:
Жәбірленуші тараптың пайдасына: 3 000 000 және 2 000 000 теңге өндірілсін.
Материалдық шығын бойынша азаматтық талап қою құқығы сақталды.