RUS
SMARTNEWS.KZ басылымының хабарлауынша, Халық әртістері Мақпал Жүнісова мен Майра Ілиясова қазақтың бұлбұл әншісі Бибігүл Төлегенованың үйіне арнайы барып, сый-құрмет көрсетті. Олар өнер майталманына бағалы ішік тарту етіп, ақжарма тілектерін айтты.
Майра Ілиясованың айтуынша, шараға Халық әртісі Роза Рымбаева да қатысқысы келген, бірақ ол Ақтөбедегі іс-шараға жолға шығып кеткендіктен келе алмаған.
“Қазақтың ұлы әншісі, бұлбұлына Бибігүл Төлегеноваға осы күнге дейін "Еңбек Ері" деген атақ берілмегенін бүгін қызының аузынан естіп, таңғалдым. Арамызда жүргенінде неге 95 жасқа дейін марапаттамаған екен?”, – деп жазды Мақпал Жүнісова әлеуметтік желіде.
Қос әнші халық әртісінің үйінде өткен отырыста дастарханнан дәм татып, әсерлі кеш өткізді.