RUS
SMARTNEWS.KZ басылымының хабарлауынша, Газа секторында гуманитарлық көмек күткен палестиналықтар оққа ұшты.
Газа секторындағы Хан-Юнис қаласында гуманитарлық көмек күтіп тұрған бейбіт тұрғындарға қарсы шабуылдан кемінде 51 палестиналық қаза тауып, 200-ден астамы жарақат алды. Бұл туралы Газа секторындағы Денсаулық сақтау министрлігі хабарлады.
Куәгерлердің айтуынша, алдымен Израиль әскери әуе күштері жақын маңдағы үйді бомбалаған. Кейін сол маңда көмек алу үшін жиналған адамдарға оқ атылған.
Израиль қорғаныс армиясы (ЦАХАЛ) мәлімдеме жасап, әскерилер гуманитарлық көмек тиелген жүк көлігінің маңында адамдар көп жиналғанын байқағанын жеткізді. Әскер бұл жағдайды "қауіпті топ шоғырланды" деп бағалаған.
Болжам бойынша, шабуыл Израиль мен АҚШ қолдауымен құрылған жаңа гуманитарлық көмек жүйесінетікелей қатысы жоқ. Бұл жүйені жеке компания – Гуманитарлық қор басқарып отыр. Оның мақсаты – ХАМАС қозғалысының гуманитарлық жүктен пайда табуына жол бермеу.
Айта кетейік, БҰҰ сарапшылары Газа секторында ашаршылық қаупі артып келе жатқанын ескертіп отыр. Секторда шамамен 2 миллионға жуық адам тұрады, олардың дені азық-түлік пен медициналық көмектен қатты тарығып отыр.