«Қыздар сияқты жүзік сұрай салмадым»: Баян Алагөзова күйеуінен мәһрге не алғанын айтты

Ол бұл жайында өзінің сұхбаттарының бірінде бөлісті. Айтуынша, көп қыздар секілді алтын, сақина сұраудың орнына, анағұрлым прагматикалық шешім қабылдаған.

«Тұрсын мырза Баян ханымға мәһірге кеңсе сыйлады. Қыздар сақина сұраса, мен кеңсе сұрадым. Үлкен-үлкен кеңсе», – деді продюсер.

Мұндай мәлімдеме желі қолданушылары арасында қызу пікірталас тудырып, кейбірі Баянның іскерлік қырына тәнті болса, енді бірі бұл әрекетті «жоспарлы бизнес неке» деп бағалап жатыр.

Айта кетейік, бұған дейін Баян Алагөзова күйеуімен алғашқы таныстығы мен әсері туралы да ашық айтып, отбасы құру шешімін қалай қабылдағанын бөліскен еді.

«Онымен кездескенде үш сағат әңгімелестік. Осы үш сағат бойы мен ғана сөйледім. Ал бірінші күйеуіммен дәл олай емен-жарқын отырып, әңгімелеспегенмін. Тек тұрмыстық жағдайда ғана «ет алдың ба?» деген сияқты болмаса.

Ал онымен әңгімелескенімде (ред. – Тұрсын Алагөзовпен) мені тыңдап, түсініп отырғанын сездім. Оған бәрін айтып бергім келіп отырды. Үш сағат бойы аузым бір сәтке де жабылған жоқ. Әлі күнге дейін солай, отыра қалып, сағаттап әңгімелесеміз. Ол үндемей қалғанда «Не болып қалды? Күнің қалай өтті деп неге сұрамайсың деймін. Содан бір-біріміздің әңгімемізді тыңдап отырамыз», - дейді Баян Мақсатқызы.

Ол сөзін жалғай отырып, Тұрсын Алагөзовпен алғаш кездесуінде отбасылы екенін білгенін айтып өтті.

«Бұл кездесуіміз өмірімізді күрт өзгертіп жібереді деп ойламаған едік. Онымен бірге қызық болды. Ол кезде өзім де тұрмыста болатынмын. Мені міне осы жағдай тоқтататын. Бірақ оған қарасам менің адамым екенін сезетінмін. Ол да солай ойлаған болса керек. Тоқтай алмадық... Міне осы кезде сені қандай күш болса да тоқтата алмайтынын түсінесің. Себебі сен өз адамыңды кездестіріп отырсың», - дейді Тұрсын Алагөзовтің жұбайы.