RUS
SMARTNEWS.KZ басылымының хабарлауынша, Шымкенттік емші Таңшолпан Ұзақова сот шешіміне ықпал етті деген күдікке ілінді. Ол өзін қобызбен ем жүргізетін балгер ретінде таныстырады.
Ол туралы шу 21 мамырда болған сот отырысынан кейін тарады. Өз сөзінде емші өзіне келген әйелдің «соттылығын» жойып бергенін, судьяға дұға арқылы әсер еткенін ашық мәлімдеген.
«Сотта қарсы тарап үнсіз қалды. Судья көзіме тіке қарай алмады. Барлығы мен жаққа шешілді. Енді келесі сотта толықтай ақталамыз», – деген әйел әлеуметтік желіде.
Емші бұл «нәтижені» қобызбен жүргізілген ем мен дұғаның әсері деп сипаттайды.
Azattyq Rýhy редакциясы бұл мәлімдемеге байланысты Шымкент қалалық полиция департаментіне сауал жолдады. Ведомство жауап беріп, тергеу басталғанын хабарлады:
«Тексеру жүріп жатыр. Барлық мәлімет анықталғаннан кейін заң аясында шешім қабылданады», – деді полиция.
Айта кетейік, Қазақстанда балгерлік пен емшілік қызмет заңмен тыйым салынбаған, алайда олар сот процестеріне араласып, нәтиже уәде еткен жағдайда бұл алаяқтық немесе сотқа қысым жасау ретінде қарастырылуы мүмкін.