RUS
SMARTNEWS.KZ басылымының хабарлауынша, өнер жұлдыздары Бүркіт пен Аиша отбасындағы қуанышты жаңалықпен бөлісті – олар кенже қыздары Латифаның қырқынан шығару рәсімін өткізді. Бұл сәттен бейнежазбаны әнші өзінің әлеуметтік желі парақшасында жариялады.
Сәбидің туғанына 40 күн толуына орай ұйымдастырылған дастархан басына жақын туыстары мен жақындары жиналып, нәрестеге ақ тілек арнап, дәстүрге сай 40 қасық сумен жуындырды.
"Кішкентай ханшайымымыз! Ең бастысы – саулығың мықты болсын. Алла сені бақытты жандардың қатарына қоссын. Тіл-көзден сақтасын. Сен – біздің жүрегіміздің гүлісің!" – деп жазды ол видеомен бірге.
Бұл қуанышқа жанкүйерлер де ортақтасып, жылы тілектерін арнады:
"Қымбатты Айбек пен Аиша! Қызыңыз Латифа дені сау, бақытты, ақ жолы ашық қыз болып өссін!", "Тек қуаныш сыйласын! Болашағы нұрлы болсын", "Сұлу да ақылды, парасатты ару болсын!", – деген сияқты пікірлер қалдырылды.