RUS
SMARTNEWS.KZ басылымының хабарлауынша, танымал әнші Төреғали Төреәлі тыңдармандарына күтпеген жаңалықпен бөлісті. Ол Instagram парақшасында сахнадағы, камера мен әндегі өмірін доғаратынын жазды.
«Болды. Мен бәрін тоқтаттым. Сахна. Камера. Ән. Жарық. Келесі қадам — үнсіз», – деп жазды әнші.
Бұл мәлімдеме Төрештің денсаулығына қатысты қиындықтармен тұспа-тұс келді. Бұған дейін оның әкесі Төреәлі Төлепов ұлының ауруына байланысты бірқатар концерттің кейінге шегерілгенін хабарлаған еді.
«Төреш баламыздың денсаулығына байланысты алдағы күндері жоспарланған концерттерді кейінге шегіндірдік. Адамның айтқаны емес, Алланың айтқаны болады деген. Алла шипасын беріп, тез сауығып, алдарыңызға жарқырап шығуын нәсіп етсін. Дұғада болыңыздар, жақсыларым! Бұлттың артынан күн шығары анық қой, ауырмаңыздар», – деп жазды ол желіде.
Әншінің денсаулығына алаңдаған жанкүйерлер мен желі қолданушылары оны қолдап, жылы тілектерін жаудырып жатыр. Көпшілік Төрештің тезірек сауығып, шығармашылығына қайта оралатынына сенім білдіруде.