RUS
SMARTNEWS.KZ басылымының хабарлауынша, Қытайда жасап шығарылған графит бомбасының жаңа түрі ірі аумақтардағы электр жүйелерін толығымен істен шығаруға қабілетті. Бұл туралы CCTV мемлекеттік телеарнасына сілтеме жасап South China Morning Post хабарлады.
«Қару қарсыластың басқару және бақылау жүйелерін бұзуға бағытталған. Ол кемінде 10 000 шаршы метр аумақта электр қуатын толығымен сөндіре алады», – делінген хабарламада.
Басылым мәліметінше, бомба іске қосылғаннан кейін зымыран жерден бір рет секіріп, ауада жарылып кететін 90 цилиндрлік оқ-дәріні шашыратады. Соның нәтижесінде химиялық өңделген көміртекті жіптер атмосфераға тарайды. Олар жоғары вольтты желілерге түсіп, қысқа тұйықталу туғызады.
Графит бомбасы – әдетте графит талшықтары бар оқ-дәрі. Жарылыс кезінде бұл жіптер кең аумаққа шашылып, электр желілері мен қосалқы станцияларға түскенде техникалық ақаулар туғызып, электрмен жабдықтау жүйесін толық істен шығарады.