RUS
SMARTNEWS.KZ басылымының хабарлауынша, Вьетнамның Вунгтау қаласында өткен күрестен жасөспірімдер мен жастар арасындағы Азия чемпионатында қазақстандық балуандар сәтті өнер көрсетіп, ел қоржынына 38 медаль салды. Оның 13-і – алтын, деп жеткізді Ұлттық Олимпиада комитеті.
U23 санатындағы жетістіктер:
Жастар арасындағы жарыста (U23) грек-рим күресінде отандастарымыз командалық есепте бірінші орынды жеңіп алды. Алтын жүлдегерлер қатарында:
Ерасыл Мамырбеков (55 кг)
Исхар Курбаев (60 кг)
Бағдат Сабаз (67 кг)
Ақжан Ықыласов (77 кг)
Сонымен қатар, осы санатта еркін күрестен Маийс Әлиев (70 кг) жеңімпаз атанды. Әйелдер күресінде Виктория Хусаинова (59 кг) топ жарды.
Барлығы U23 санатында Қазақстан 6 алтын, 7 күміс және 6 қола медаль еншіледі.
Командалық есеп:
Грек-рим – I орын
Еркін күрес – II орын
Әйелдер күресі – III орын
U17 санатындағы жеңістер:
Жасөспірімдер (U17) арасында өткен бәсекеде Қазақстан тағы да көш бастады.
Грек-рим күресінде 4 алтын медаль иеленгендер:
Қуанышбек Жанажол (45 кг)
Нұрдәулет Құмарұлы (48 кг)
Дамир Ақан (60 кг)
Досбол Шамиль (65 кг)
Еркін күрестен де 2 алтын бұйырды:
Ибрахим Ысқақбек (55 кг)
Бекасыл Асамбек (60 кг)
Әйелдер күресінде Жайдар Мұқат (61 кг) алтын медальға ие болды.
U17 бойынша жалпы 7 алтын, 6 күміс және 8 қола медаль еншіленді.
Командалық есеп:
Еркін күрес – I орын
Грек-рим – II орын
Әйелдер күресі – IV орын
Осылайша Қазақстан U17 және U23 жас санаттары бойынша Азия чемпионатында айқын басымдықпен өнер көрсетіп, жалпы 13 алтын, 13 күміс және 12 қола медаль жеңіп алды.