RUS
SMARTNEWS.KZ басылымының хабарлауынша, Астанада Toyota Land Cruiser көлігімен жүрген 24 жастағы азамат жол апатына ұшырап, оқиға орнында қаза тапты. Қайғылы жағдай жайлы бейнежазба әлеуметтік желілерде тарап кетті.
Кадрларда төңкеріліп жатқан автокөліктің қарсы бағыттағы жолақта тұрғаны көрінеді.
Қалалық Полиция департаментінің алдын ала мәліметі бойынша, жүргізуші Қалдаяқов көшесімен "Арыс" көпірі бағытына қарай қозғалған. Алайда рөлге ие бола алмай, көлігі аударылып кеткен. Инерциямен көлік қарсы бағытқа шығып, екі көлікпен соқтығысқан.
— Жүргізуші алған жарақаттарының салдарынан оқиға орнында көз жұмды. Қазіргі уақытта жол апаты бойынша қылмыстық іс қозғалып, тексеру жүргізілуде, — деп хабарлады полиция.
Құзырлы орган жол қозғалысына қатысушыларды ережені қатаң сақтауға және жолда барынша мұқият болуға шақырады.