RUS
SMARTNEWS.KZ басылымының хабарлауынша, белгілі актриса әрі продюсер Құралай Анарбекова қалыңдық атанды. Сүйінші жаңалықты тележүргізуші Ләйлә Сұлтанқызы өзінің Instagram парақшасында бөлісті.
«Бақыттың ерте-кеші жоқ. Құрбым, жақыным Құралай Анарбекова қалыңдық атанды. Ақжүрек, кең пейіл азаматың — сені алақанында аялап өтетініне сенемін! Бір-бірін ұзақ күтіп, жолықтырған құрдастарға мәңгілік махаббат тіледім!» — деп жазды журналист.
Желі қолданушылары Құралайды қуанышымен құттықтап, ақжарма тілектерін арнады. Пікірлерде:
«Құтты болсын, жерлесіміз! Құралай бақытты болсын!», «Сұлу қыздың бағы жансын!», «Менің жасым 44-те, Алла жазса, 5 шілдеде ұзату тойым болғалы жатыр. Әр адам бақытты болуға лайықты!» – деген тілектер жазылған.
Анарбекова жеке өмірін жария ете бермейтін өнер иелерінің қатарында. Сондықтан бұл жаңалық оқырмандар арасында жылы қабылданып, кеңінен талқыланып жатыр.